As 'n uitvloeisel van 'n familielid se troue waarvoor ek voorberei het as Seremoniemeester.  Ek het weer nagedink oor die betekenis van die huwelik en die beloftes wat daar gemaak word.  In die geharwar van sulke seremonies en heeltemal verstaanbaar raak die ware betekenis dikwels verlore. Soms moet 'n mens maar net so bietjie eenkant gaan sit, oor die dinge dink en die ware betekenis vir jouself vasmaak.

 

                    TROUBELOFTE

 

JA !

aan almal wat my vra

of ek die toekoms saam met

hierdie persoon wil binnegaan.

 

JA!

want ek weet dat die Here

my sal dra as my geloof

dalk  begin te taan.

 

JA!

want my Here se antwoord

was nog altyd : “ JA! “

op my bedes dat Hy

my in alles by sal staan.