2019.  Oom Swannie, 'n mede-inwoner van Kraaibosch, en self 'n ywerige digter, kla my gedigte is te lank.  Ek wou net wys dat ek wel kort van woorde kan wees.  Ook 'n gulde geleentheid om so bietjie sinies te wees. Meeste mense, insluitende myself, is nie werklik op gedigte ingestel nie, dit is dus nie populere leesstof nie.  As ek dit nie bykans op familielede en vriende afdwing nie, is die kanse skraal dat dit ooit gelees gaan word.  Ek het 'n goeie spesmaas dat nie almal aan wie ek dit stuur nie, dit ooit lees nie.  

 

        OM TE DIG

​

Sintuie neem waar

ʼn ietsie raar 

ʼn idee ontkiem

selfgesprek intiem

 

Gedagtes akkumuleer

word op papier gekommunikeer

inhoud goed of sleg

my woorde waai meestal weg

 

Saad in die wind

nêrens gevind

ʼn offer gewees

dalk in die Hemel gelees.

​