Die lewe is nie altyd maklik nie, maar Jesus het 'n staande uitnodiging aan Sy volgelinge.  Wanneer jy lewensmoeg is en voel dat jy die einde van die pad bereik het, onthou dan net jy is:                                         

 

                UITGENOOI

 

Wanneer my gees sukkelend

onder sondelas gestrek

stroomop strompel

die swaarkryjuk sondermeer

my skouers stukkend skaaf

en my lewensvreugde steel

 ek sweet en swoeg en snak

na suurstof in my vlees

sug na sonder sorge en seer

soekend na steun en troos

my siel dorstig smag

om soete waters te smaak

sê Jesus sussend

in Sy strelende stem

 

Almal sat en oorbelas

kom sit hier naas

styf aan  my sy

en RUS.