Maart 2018. Stefan Joubert lewer 'n treffende preek onder andere uit Jesus se gebed soos dit in die Evangelie van Johannes opgeskryf staan.
Jesus noem dat "Ewige Lewe" is as iemand God sy Vader kan noem In die Ou Testament word dit deur Jeremia be-aam . Dus, ewige lewe het reeds begin en daarom moet 'n mens soos Paulus in Filippense voorskryf jou altyd verbly. 'n Christen kan derhalwe nie in die kring van spotters sit en depressief oor die lewe wees nie. Ongeag omstandighede kan ons, ons in die Here verbly.
​
EWIGE LEWE
Voor ek ewige lewe kon verstaan
met my rug gekeer op God gestaan
het die Gees met my moeite gemaak
en my hart en verstand is aangeraak
toe het ek omgedraai, die Lig gesien
nou wil ek Jesus met my lewe dien.
God het profeties deur Jeremia gepraat
krag kan jou in die steek laat soldaat
rykman,, besittings kan verlore gaan
en wyse man, jou verstand kan taan
as iemand op iets blywends wil roem
is as hy My ken en sy Vader noem.
Dié woorde word deur Jesus be-aam
as hy biddend voor Sy Vader staan:
ewige lewe is om die ware God te ken
en Jesus Christus, Sy gestuurde te erken
Hemel is nie net ʼn plek wat eendag kom
dis reeds nou, in my lewe saam met Hom
Genade op genade om familie te wees
van die Vader, Jesus en die Heilige Gees
die Vader het my uit liefde nadergetrek
die Heilge Gees het in my hart gewerk
daarom dat ek Jesus Koning kan noem
en op my reg as kind van God kan roem.
As wedergebore kind deur God se Gees
hoef daar nooit vrees of twyfel te wees
selfs onder erge swaarkry en lewensdruk
niks of niemand kan my ooit ontruk
uit die vaste greep van Jesus se hand
Hy hou my geloof vir ewig in stand.
Nou is my lewe gerig om te leef in Sy wil
elke dag geesvervuld en met vreugde vervul
nie die wêreld napraat in swartgalligheid
maar ʼn nuwe taal met klank van andersheid
nie woorde wat van valse waardigheid getuig
maar geloof, hoop en liefde wat oor Jesus juig