God gebruik mense om Sy Koninkryk te laat kom.  Die Heilige Gees ontwikkel die soeke na God in die hart van 'n mens.  God bring gelowige en ongelowige mense bymekaar, soms op die heel "toevalligste" manier en op die wyse word Sy Koninkryk uitgebrei.

 

                        KORTSLUITING

​

Watermolekules vibreer

op en af, heen en weer.

So word energie ontsluit

en die wolk is vol elektrisiteit.

 

Plante, grond en lug

in interaksie op mekaar gerig

begin energie misterieus produseer

en die aarde raak ook gepolariseer.

 

Die wolk daar hoog, die aarde daar

is twee vreemdelinge vir mekaar

maar skielik flits 'n bliksem oor die gaping heen,

energie versmelt en wolk en aarde word een.

 

In die hart van God se kind

is genadig die Heilige Gees te vind

en dieselde Gees soekend gedurigdeur,

klop aan elke wêreldhart se deur.

 

Geroepene van Jesus en die wêreldling

word deur God self bymekaargebring.

Een oomblik is hulle nog twee pole apart

en dan skielik maak die Gees hulle een van hart