Daar is altyd te min tyd om alles te doen te kry.  Ons raak so besig dat ons selfs nie tyd kry vir God of ons naaste nie en in die proses is net ons die werklike verloorde

 

                           TYDBESTUUR

​

Meeste dae skop af

met ʼn volle vaart begin.

Teen hoogste rat tot slaaptyd

is daar min stil tyd tussen in.

Die besige lewe absorbeer energie

wat liggaam en siel verteer.

As remedié vir die lyf

word ure op die oefenveld spandeer.

Wat van die siel wat vir ewig duur?

Tyd met God sal jou rigting bestuur.

 

Here, U het my aangestel

as rentmeester in U bestel.

U het talente in my belê

sodat U Koninkryk rendiment kan hê.

Vergewe my vir tyd op myself vermors

eerder as om U wil na te vors.

Help my om tyd te benut

deur net stil aan U voete te sit.

Vul my Heer met U Gees

om andere altyd tot seën te wees.