2018.  Stefan Joubert lewer 'n skitterende preek wat my onder my omstandighede op daardie tydstip baie sterk aanspreek. lewe nou, verger oor die bekommernisse van die toekoms - koop die tyd uit.  Hy beklemtoon dat die Here self met Sy skepping  dit een dag op 'n slag gedoen het.  Insgelyks, sorg hy vir die Israeliete 'n dag op 'n slag.  Die les vir ons, vertrou op die Here vir die oomblik van nou, niemand weet  war vorentoe wag nie, moenie daaroor bekommer nie.

 

                 DIE NOU VAN VANDAG

 

Na wakker word van gisternag

begin vanoggend eers vandag

gister se ervaringe is nou verlede

fokus net op vandag, dis die hede

môre se dinge moet nog gebeur

wat dán wag weet net die Heer.

 

Vanmiddag reeds toekoms wat wa

lewe nou, net een tree op ʼn slag

vanaand so oneindig in verskiet

tydmors om enige aandag te geniet

môre, weke, maande om dalk te kom

koop die tyd uit VANDAG met Hom.

 

Ewigheid is die tydritme van die Heer

tog toe hy skep was dit net ʼn dag op ʼn keer

dit was aand, dit was môre, die eerste dag

die volgende een sou tot môre moes wag

intussen het Hy welbehaaglik geniet

die mooi en goed vir daardie dag gebied.

 

In die woestyn is Israel met manna gevoed

opgetel net genoeg vir daardie dag bly goed

Jacobus het die selfversekerdes vermaan

dat spog oor môre op wankelbene staan

Deo Volente as dit die wil is van die Heer

slegs dan sal dit of dat beplan so gebeur

 

Kyk rondom en aanskou Sy handewerk

laat dit telkens jou geloof in Hom versterk

in diep waters bevind of in verterende vuur

maar nooit alleen gelaat in die moeilikste uur

vandag, die oomblik goed of sleg as dit hede is

prys die Heer dat Hy altyd Immanuel is.